صفحة جديدة 1
   
صفحة جديدة 1
Google
صفحة جديدة 1
العودة   ديوان العرب > المنتديات > السوالف

اخر المشاركات التي تم طرحها في: ديوان العرب
عنوان الموضوع كاتب الموضوع اخر مُشارك المشاهدات عدد الردود
مهارات الاتصال وفن التعامل مع الجمهور هبة مركز جلف هبة مركز جلف 3 0
مهارات التحقيق الإداري هبة مركز جلف هبة مركز جلف 3 0
ورشة عمل فى تكنولوجيا تشغيل وحدات انتاج و تصنيع النفط مركز الخليج الاستراتيجى للتدريب خلود جلف خلود جلف 5 0
ورشة عمل فى التمديدات الكهربائية مركز الخليج الاستراتيجى للتدريب (gulfstd) خلود جلف خلود جلف 4 0
ورشة عمل فى مجال المشتريات والمخازن واللوجستية مركز الخليج الاستراتيجى للتدريب (gulfs خلود جلف خلود جلف 6 0
دورات هامة فى مجال المراجعة والتدقيق مركز الخليج الاستراتيجى للتدريب (gulfstd) خلود جلف خلود جلف 23 0
دورات مؤكدة هامة مركز الخليج الاستراتيجى للتدريب (gulfstd) خلود جلف خلود جلف 25 0
الترميز الطبى هبة مركز جلف هبة مركز جلف 6 0
الاحصاء ودورها فى التخطيط والمتابعة واتخاذ القرارات هبة مركز جلف هبة مركز جلف 3 0
إنعاش العقل .... أنت على أعتاب أهم مغامرة في حياتك ستونان ستونان 11 0

السوالف ويحلو الكلام بصحبة أعضاء الديوان

إضافة رد
 
أدوات الموضوع انواع عرض الموضوع
قديم 09-20-2006, 04:32 AM   #1
عبـــادي كبـــده
متميز
 
الصورة الرمزية عبـــادي كبـــده
 
تاريخ التسجيل: Dec 2002
الدولة: محل ابو هلال اسواق الديره
المشاركات: 1,914
Talking يوماً في حياة الإشراف << قصه واقعيه

<<< زعيم حركة الشيون بس اهم شي الاخلاق وصصصصصل


صصصصصصصصصصصلام عليكم




كان يازمان .. في قديم المكان ..
كان فيه واحد اسمه عبادي كبده الله يكرمكم .. قاعد يتمشى في مزرعتهم .. في عز القايله ..
(( عز القايله : اختلف المؤرخون في تحديد وقتها .. فبعضهم قال انها عقب صلاة الظهر وبعضهم حددها من الساعه ثنعش ونص الى ثنتين الى ربع ))

كانت الشمس تحمس خدوده الورديتان ..
نظر الى قارعة الطريق ..
هناك في شواطئ الاحلام..
وجد نخلتن لايوجد بها سوا عسيب واحد ...
انبطح على الارض و.... (( وش رايكم بالخاطره ؟ ))

المهم .. انبطحت على الارض .. وقعدت امدد جسمي على ظلال هالعسيب .. كنت منبطح على رمل .. قعدت ادخل اصبعي جوا الرمل واطلعه ..
وقعدت ارسم مستقبلي على ذا الرمل باصبعي الصغير رسمت مربع وسطه خطين
(( المربع عش الزوجيه والخطين انا وزوجتي بعد عمر طويل ))

وعلى فكره .. تراني رسمت الخطين بعيدين عن بعض .. عشان محد يسئلني وش قعدت افكر فيه .. وطول هالفتره وانا افكر .. في ام عيالي .. يارب وش بتصير .. شينه ولا زينه
دبا ولا عصلا .. عيونها وساع ولا ممغوطه ..

والى الحين وانا ادخل اصبعي جوا الرمل واطلعه ... المهم .. شوي واحس بشي جوا الرمل .. قعدت احفر واحفر ... قلت يارب يمكن كنز ... خلاص ابصير مطخطخ .. خلاص معاد ابي وظيفه .. طز بالوظايف كلها .. خلاص تانكي البنزيم بيتعبا فل .. وصلت افكاري اني ابني ناطحه بالرياض خمس ادوار .. بس خفت لاتجي طياره تنسفها
المهم
بدت يدي تمسك شي قاسي ..
وقعدت اسحبه بقووووووه ... صارت جلده مكتوب فيها كلام واجد .. قلت بس هذي خريطة الكنز لازم اقراها .. رجعت للبيت .. وحطيت ذا الجلده بوسط الحوش .. وشغلت ( لي المويه ) .. وقعدت اغسل ذا الجلده .. يوم نظفت ..
جلست بمكتبي ولبست نظاراتي حقت القرايه ( الدرابيل ) ..
مكتوب

أمك داعية لك ... أبوك راضي عليك .. فريقك المفضل بيفوز بالبطوله السنه هذي .. فنانتك المفضله بتتعرف عليك .. المعجبات بيدغدغون دباديب اصابع رجليك
كل هذا لانك اكتشفت مذكرات اقدم مشرف في المنتديات العربيه

... نصائح ومذكرات من مشرف معتزل ... ( أكل الدهر عليه وتغر ) .. وفي روايه .. ( .. وطغر )

... (( المذكره الكبرى للاشراف على المنتديات للاعضاء الجدد )) ...

اذا بغيت تصير مشرف .. في أي منتدى .. إليك هذه البنود وتفصيلها لاحقاً...
لبس صروال نص الفخذ .. وفنيله علاق .. حقت اخوك الصغير .. ولبس كنادر مقاس خمسواربعين .. وشراب لونه بيج .. وحط في يدك اليمنى سبحه .. ويستحسن ان يكون لونها موف ... ودناديش السبحه مسوي فيها عمايل ( جدايل ) ...

... (( وإليك يارعاك الله تفصيل تام لما ذكرته اعلاه )) ...

اولا : صروال نص الفخذ .. ( قطن ولا قماش ماتفرق )
عند لبسك لهذا الصروال .. سوف يظهر جلياً .. شعر سيقانك
ثبت مخبرياً .. وعلمياً .. ان شعر السيقان .. يوحي الى الرجوله وتحمل المواقف الاشرافيه .. في المنتديات العربيه .. ولا يخفى عليكم .. مالهذا الشعر من نظره تذكرنا جميعاً .. بغابات افريقيا ... ولان غابات افريقا عالم غامض ومليء بالمفاجآت ... فإن المشرف العام على المنتدى سيعطيك الاولويه في الاشراف على منتدياته ... لانه يتوقع منك المفاجأه في تطوير منتداه

ثانيا : فنيله علاق .. حقت اخوك الصغير .. ( مهوب البرباتوز )
اذا لبستها بتطلع نص كرشتك .. واكيد بيطلع( سرك ) مثل البنات الامريكيات .. وهذا الشي يوحي بأنك متطور تنكلوجيا وانك ذو مشاعر حساسه .. وانك مزيون وتشبه الى حد كبير برتني سبيرز .. وبكذا ستنجذب الزائرات الى الاشتراك فالمنتدى والعضوات سيزداد حماسهن للتقرب اليك .. يمكن تصير مشرف على منتدى الشعر .. لان البنات راح يخدرون بمنتدى الشعر يكتبون قصايد فيك .. وبكذا اكيد ان المشرف العام .. بيحطك مشرف


ثالثا : لبس كنادر مقاس خمسو أربعين
اعلم يارعاك الله .. ان الكندره والعقل يتناسبان تناسب طردي ... فإذا زاد مقاس كندرتك زاد في رجاحة عقلك وفطنتك .. وحكمتك في تسيير الامور في مصلحتك .. وهو مايبحث عنه كثير من المشرفين العامين على المنتديات .. الذين عاشرتهم وسمعت عنهم .. وتزاعلت معهم ... وبالنسبه للحواطا .. ومعروف عنهم كبر رجليهم .. لو تلبسون مقاس اربعه وثمانين .. مافيه امل تمسكون اشراف .. خل عنك

رابعا : شراب لونه بيج
من الالوان الهادئه والتي تحسسك بالرومانسيه والهدوء هو لون البيج ..
فلقد قال عنه السباك الفلبيني .. ميرو جاستي ...
(( وددت انني في صحراء ذات رمال بيجيه .. اتبطح على نفودها واطعاسها .. واشرب من الدله البيجيه .. بفنجال بيجي .. وآكل من تمر السلج .. ذو اللون البيجي .. وبجانبي أم عيالي .. ميري بيجي .. من قبيلة بني بوييج .. وانظر الى السماء البيجيه ..( الدعوى عج ) .. واتذكر ايام مانيلا ولياليها البيجيه .. اللهم بيّج قلوبنا ولا تسودها ياالله )) ..
والمعروف ان البيج من افتح درجات البني ... وهو الموضه الجديده .. اللي دابجين فيها العالم .. عشان كذا تحسس المشرف العام انك متطور ومنتب قروي .. والمنتدى راح يستفيد من افكارك النيّره ... نحسبك كذلك والله حسيبك


خامسا : حط في يدك اليمنى سبحه
السبحه او ( المسباح ) .. تدل على انك غير متسرع وتحسب للكلمه الف حساب .. وتعد الكلمه على عدد حبوب السبحه .. وتشوف مدى صحتها .. مثل قولت الشاعر (( بتحبني .. متحبنيش .. بتحبني .. متحبنيش .. بتحبني ... الخ )) .. لحد ماتوقف السبحه .. واخترت لك اليد اليمنى عشان اليمين درب الغانمين .. وهذا البند غير معترف به اسيويا .. لان (( بيتر فلمبان )) .. اكبر حمار في الاتحاد الاسيوي .. اعسم وكل شغله باليسار


سادسا : لون السبحه موف
هالبند بالذات .. انا ماحطيته الا عشان خاطر عاصي الحلاني .. يومنه قال
قلبي عاشق قلبك دايم موف ... يم عيون فتانه ومناكير موف
الموف زي ماقال عنه خبراء الالوان وزهور الفجل .. الموف يعطيك الانسجام التام مع .. بصل الصباح .. نعناع تالي العصر .. ومع نواشف عقب الاخير .. ورقم الحظ لمحبي هذا اللون ... خمسينتالاف .. ولكي تكسب ثقة المشرف العام عليك بعسكريم توت اللي قرطاسته لونها موف


سابعا : دناديش السبحه مسوي فيها عمايل ( جدايل )
عندما ترى شعر اي بنت .. من عمر مابين ست سنوات الى ثنعش سنه ... وش تقول بين اللي شعرها كنه مذبوب فيه طرطعان .. واللي مسوي في شعرها جدايل .؟ .. طبعا هذا يدل على الترتيب والتنظيم .. في كل امور هالبنت .. كذلك السبحه اللي بين يديك لازم تكون ممشطه ومكدوده .. وفق خطط علميه مدروسه .. لان في ذلك مضاعفه ثقه من المشرف العام فيك ايها العضو

انتهى والله اعلم
اخوكم اقدم مشرف في المنتديات العربيه

يوم خلصت قاري هالجلده .. تحسفت عليها لاني كنت مشرف على اكثر من منتدى .. ولااستفدت من هالمذكرات ..

الله يازين ايام اول يوم كنت عضو ... تيرم تيييرا
( تراي قاعد ابكي على الاطلال .. الدمعه عيت تنزل مدري وش بلاها ... ولا السعبوله ماصدقت خبر نزلت وماتدري وش السالفه )

ياونتن ونيتها يوم ون تو ثرييييييييي .. الله الله الله

وبعد ما مسكنا الاشراف اللي امتد الى اكثر من خمس سنوات وترقينا وصرنا مراقبين ... ماأقول ألا ....

وش ملح الواحد عضو بدون اشراف ... يدخل المنتدى ويطلع... كنه يسبح بدون لستك ... يوم كنت مشرف ... ( يعني الحين كبرت صرت مراقب خخخخخخخ) ... في كم منتدى عربي ( يقال لي اشارك بمنتدى قليمزي ) ... كانت تصادفني مواقف وسوالف .. غريبه .. ومن بعض الاشياء اللي مبربسه في ماطور عقلي .. اني كنت ارد على عضو مهوب عشان وجهه ... عشان وراي اداره يقولون وراك ماترحب بذا العضو ... شفه متحمس ووش زينه لازم نعطيه دفعه معنويه بالزعتر عشان يواصل معنا

تشوفني مغير امسح اسياب المنتدى وافرك درايشه عن الغبار.. وبكل موضوع حتى لو انه قديم تلقاني ناطل رد ويمكن ازين من الموضوع ... عشان اطلع المشرف اللي عليه الكلام ... واغاير زميلاتي في العمل ( المشرفات ) .. عشان يقولون قدوتنا عبادي كبده مشالله عليه شوفوه مابقا الا يلحس زوالي المواضيع

وانا كل يوم اقوم من النوم قبل مايذن الديك .. مدري متى يأذن بس اني اقوم بدري ...
عشان اشوف المنتدى وش فيه ووش مافيه ... ولين صار موضوع فيه مهاوش .. والله اني استانس .. انا من يومني صغير واحب المهاوش صحيح اني اتكفخ وارجع لبيتنا خشمي يخرخر دمان ... بس اهم شي النوم بدري وشرب الحليب على فكة الريق

والحين رجعت لموضوع المراقبه والاشراف وصرت زعيم للمصرقعين يؤؤ قصدي السوالف بس هالمره زعيم يمسح على كيفه المواضيع علشان كذا لا احد يخليني احطه براسي وامسح مواضيعه كلها بالذات البنات لازم يعاملوني زين ويعطوني بوسه كل صباح خخخخخخخخخ والا ترا ابشغل النذاله خخخخخخخخخخخخخخخ

<<-----ناوي شرر الخبل
والان اترككم لان عندي مسؤولية مراقبه وتنظيف للمنتدى الله يعيني عليكم
__________________


اللهم انه توقيع

عبـــادي كبـــده غير متصل   رد مع اقتباس
قديم 09-20-2006, 05:36 AM   #2
الراسي
متميز
 
الصورة الرمزية الراسي
 
تاريخ التسجيل: May 2004
الدولة: جنب بيت جيرانا
المشاركات: 4,619
افتراضي

أمووووووووووووووووووووووهـــ
هذي لك مني وانا توني صاحي وعلى الريــق

اذا بغيت وحده ثانيه ماعندي مانع اهم شي ماتحطني براسك

والله منت بعاقل اجل بيج وفلبيني خخخخخخخخخخ
من جد مووضوعك هذا تحفه
من خاطره الا شعر الا بيج
الا مرثية مزعل فرحان الا زيران سعد جمعة

مبـــــــدع يالخضر وياااايوما ماااراح ا اكتشف انك ذكي انا

سلام ياصااحبي
__________________
الراسي غير متصل   رد مع اقتباس
قديم 09-20-2006, 06:51 AM   #3
محتاجه دفا
ديوان العرب
 
تاريخ التسجيل: Nov 2004
المشاركات: 950
افتراضي

ههههههههههههههههههههههههههههههههههههههه
ضحكتني وانا مواصله

موضوع فللللللله
بس جبت العيد في الاخير
انا عندي بكس مايمشي الحال؟؟؟؟
موعشان شي بس عشان ازكرك بايام الطفوله موتقول انفك يخرخر دم


الموضوع مهسترر بس انا ابصم عليه بالعشرين
الاشراف يقتل اشياء كتير في العضو
يكفي على قولتك انك تضطر ترد على ناس ماتبغا ترد عليهم
بس لانك مشرف

بس حياة العزوبيه قصدي حياة العضويه<< مره يشبهو بعض ترى مافي مسؤليه
ابداعها اكتر وهمها اقل


هزاااااااا وان شالله ينزلو رتبتك عشان نشوفك دايما
__________________


ايها القووووم ايها الناااااااس ايها الهوووووو

محتاجه دفا ماتطلب الدفا من احد
قبل لاتتسرعو وتحكمو عليها فتشو فاعماقكم وحتلقو انكم كلكم ( محتاجين دفا)

لاتظلمو الدفء وتحبسوه بين جدران الشبهات
واذا ماكنا قادرين نشعه حولينا بالقليله لاناخذ بقاياه من غيرنا

ازرعو الورد في اعماقكم
وحتشوفو الدنيا كلها ورد

ادري صار موضوع تعبير موتوقيع

بس اتمنى يوصلكم القصد



محتاجه دفا غير متصل   رد مع اقتباس
قديم 09-20-2006, 10:27 AM   #4
الراسي
متميز
 
الصورة الرمزية الراسي
 
تاريخ التسجيل: May 2004
الدولة: جنب بيت جيرانا
المشاركات: 4,619
افتراضي

ماتلاحظين اني مقتوووووووووول قتلووني وانا في عز شبابي
وربي <<<<<<<يقولها بالحجازي
يا محاورجية دت كوم وووومحتاجة عصىىى
__________________
الراسي غير متصل   رد مع اقتباس
قديم 09-20-2006, 12:22 PM   #5
محتاجه دفا
ديوان العرب
 
تاريخ التسجيل: Nov 2004
المشاركات: 950
افتراضي

للمره التانيه على التوالي ان شالله عصايه تكسر راسك

الا ملاحظ انك مقتول لااا وكمان تبدو عليك علامات التعذيب مالهم حق والله
ودحين مع الاندنوسيه مادري ايش حيسير فيك الله يستر بس

يله خليني اقلب وجهي لايعصب كبده انت عندك واسطه انا ماعندي شي


سيبووووووها احسنلكم
__________________


ايها القووووم ايها الناااااااس ايها الهوووووو

محتاجه دفا ماتطلب الدفا من احد
قبل لاتتسرعو وتحكمو عليها فتشو فاعماقكم وحتلقو انكم كلكم ( محتاجين دفا)

لاتظلمو الدفء وتحبسوه بين جدران الشبهات
واذا ماكنا قادرين نشعه حولينا بالقليله لاناخذ بقاياه من غيرنا

ازرعو الورد في اعماقكم
وحتشوفو الدنيا كلها ورد

ادري صار موضوع تعبير موتوقيع

بس اتمنى يوصلكم القصد



محتاجه دفا غير متصل   رد مع اقتباس
قديم 09-20-2006, 01:07 PM   #6
زنجبيل
ديوان العرب
 
تاريخ التسجيل: Apr 2005
المشاركات: 1,109
افتراضي

الجميل عبادي كبدة ,,,

قصتك اثرت فيني ,, وبديت احس بمعنى سجن الحرية ,,,

سجن الحرية <..... ماتهقى انها مشروع روايه ,, وانت البطل فيها ,, وحبيبتك اسمها ريبيكاااا,,

في خظم الانزعاجات الفكرية الي تذكرتها ,, وتفاصيل النجاح للقيادة ,,

انا انصحك انك تغير مكانك في رسم المستقبل؟؟؟؟
وانك ماتروح لطعوس وترسم وتحفر,, لا

روح لمكان يتصف بالحظارة والبداوة في نفس الوقت ,,

وانا انصحك بالنعيرية ,,,
لانها تتصف بلحظارة والبداوة ,, وارضها الرمليه قاسيه ونظيفة وجميله وكلها عشب ,,, ماهيب زي الطعوس الوعره,,

وهناك ماراح تلقى جلده ,,, هههههههههههههههه
راح تلقى كنز ,, نعم كنز ,,

ويمكن يكون جنيهات فضة او ذهب لواحد كان زعيم في ذيك المناطق قبل 7000 سنه ,,
واعتقد ان اسمه يئموم,,,

ويئموم هو عدوك في روايه سجن الحريه ,,,

انت بس كمل ,, وراح تلقى اجابات كثيرة للمستقبل الناجح ,,

وكل عام وانت بخير ,,,
والله الله بالكرثي:)
__________________

عيني الي بازرق التوت فيها ينحدى ** وكن بقصى ظامري حس ناس يرحلون
زنجبيل غير متصل   رد مع اقتباس
قديم 09-20-2006, 05:24 PM   #7
تذكار نجد
ديوان العرب
 
الصورة الرمزية تذكار نجد
 
تاريخ التسجيل: Feb 2006
الدولة: الرياض
المشاركات: 3,291
افتراضي

هههههههههههههههههههههههههههههههههههههههههههههههههه ههه


كنز انت وجهك >>>>>>>>>> متأثر بالافلاااااااااااااااام ههههههههههههههه


اوكي عبادي نصائحك مرهـ حلووووووووووهـ لكن ماتصلح للبنات ممكن تنصحني نصيحة خاصة

لعل وعسى اترقى ههههههههههههههههههههههههه


والله الله بالركادهـ بالمرهـ يمدحوووووووووووووووووونها ههههههههههههههههه


تعظيم سلاااااااااااااااااااااااااااااااام
__________________
تذكار نجد غير متصل   رد مع اقتباس
قديم 09-20-2006, 06:32 PM   #8
محمد الحلوان
ديوان العرب
 
تاريخ التسجيل: Aug 2006
المشاركات: 187
افتراضي

هههههههههههههههههههههههههههههههههههههههههههههههههه ههههه




والله انك ذوووووووووووووووق


قصة حلووووووووووووه



تقبل تحيتي








محمد الحلوان
__________________


للتواصل

mhm_747@hotmail.com

الف شكر اخوي خــــــــــــــــــالد على التصميم الرائع
محمد الحلوان غير متصل   رد مع اقتباس
قديم 09-21-2006, 02:32 AM   #9
احلى دلوعه
مشرفة سابقة
 
الصورة الرمزية احلى دلوعه
 
تاريخ التسجيل: Jun 2002
الدولة: المنطقه الشرقيه
المشاركات: 4,356
افتراضي



هلووووووو كبده ,,

منور السوالف والله بعودتـــكــ

وبعــدين ,,


وش هالموضوع الطويل

يبي لي سنـه على مااخلص من قراءته :d

لي عـوده جريبه :D


تحياتي لكـ
دلوعه

__________________

صمتي لغتي
فإعذروني
لقلة كـلامي



دلــوعــه الديـوان
انـا وبـس ,,,
احلى دلوعه غير متصل   رد مع اقتباس
قديم 09-21-2006, 11:10 AM   #10
نوووودي
بنت قطر
 
الصورة الرمزية نوووودي
 
تاريخ التسجيل: Nov 2005
الدولة: دار التميمي حمد
المشاركات: 4,919
افتراضي

هلا وغلا عبادي جبده

حبيت اقولك حمدلله عالسلامه

ونورت السوالف
__________________
.
نوووودي غير متصل   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع