رسالة إلى الشيخ الكلباني

[نايف العتيبي]

الله يسامح عادل الكلباني = شيخٍ سقط له سقطةٍ دينيّه
جاب المطمّة وأغضب الرحمن = حلل أمورٍ منكره منهيّه
قال الأغاني جايزة يا أخواني = آباحها ياناس بالكليّه
أجاز فعل المطرب الفناني = فتواه فتوىً ماهي بشرعيّه
يعني يبينا نسمع الحلاّني = ورابح صقر وآصاله الشاميّه
والساهر اللي هام في قبّاني = وابن المهندس راعي الشوبيّه
وعبد المجيد وملحم وغساّني = وراعي وناسه مطرب الشرقيّه
ياشيخ خاف الممهل الديّاني = راقب أمورك هذي وهذيّه
خل المعاند وادحر الشيطاني = بالك تكابر بالخطأ والسيّه
اسحب كلامك واطلب الغفراني = ربك كريم ولايبي جاهيّه
سبحانه اللي خالق الإنساني = يكشف نوايا عبده المخفيّه
بادر بتوبة خايفٍ شفقاني = وارسل رسالة عاجلة خطيّه
تفتي بها للعالم الحيراني = شر الغنا وأمراضه القلبيّه
حب الطرب مع لذة القرآني = ماتجتمع مثل اللهب والميّه
مايجتمع فالقلب حب اثناني = حب الغنا مع آيةٍ قدسيّه
واذكر بأنك مجتهد غلطاني = وافتيت فتوىً ماهي بعاديّه
نبغاك تاقف ماقف الشجعاني = نبغاك تاقف وقفةٍ جديّه
لهو الحديث افتابه الشيباني = أحمد وابن القيّم الجوزيّه
وعبدالله بن عباس والنعماني = حتى تقي الدين بن تيميّه
خايف تشيل أوزار واحد ثاني = يجعلْك حجّة لا لقى باريّه
يقول ربي عادلٍ أفتاني = يستشهد ابهفواتك الفقهيّه
هذي نصيحة شاعرٍ عتباني = يسند عليك أبياته الشعريّه

[نمرالعتيبي]

السلام عليكم ورحمة الله وبركاته


ناايف الله يسعد صبااحك ويسلم هالرااااااااااااااااااااس شااعر رااااااااااااااااااااااااااااااقي والله راااقي
صح فكرك وعسااك على لالقووه والله يصلح حال الامه
وحميينا واياكم من الفتن ماظهر منها ومابطن

[عادل المضحي]

الله عليك يانايف
صح لسانك ولاهنت ولاهان هالهاجس الغيووور

الله يثيب الشيخ ويصلحه ويهديه ويرده لدرب الصواب
اللهم لاتلحقني آخر الزمان وإرحمني بقبري ويوم العرض والميزان

نايف شكرا لك الله يكثر من امثالك

أخوك عادل المضحي

[ليلى السعودية]

الشاعر القدير نايف العتيبي

صح نبضك النقيّ

سلم فكرك الواعي

قصيدة بها الكثير من المعاني القيّمة

لله درّك ياشعر

/نسأل الله أن يهدي الشيخ الكلباني ويدلّه إلى جادّة الصواب /

دمت ودام نبض قلمك بكل راقي

تشرفت بأن أكون هنا في أول رد لي في هذا المنتدى الفريد والرائع

تقديري .










..

[مهند الشدادي]

صح السانك والله يهديه

اتمنى تتقبل مروري

[نايف الهاملي]

نآيف العتيبي

شآعر جزل وجميل جدا ً ,
النص قوي جدا ً وهو مايهمني كـ قآريء شعر,إن علقت سأعلق
على الشعر , أما الفتآوي والمشآيخ أتجنب هذه الأمورأفضل لي:)
صح لسآنك ألف

[نايف العتيبي]

نمرالشعر
صح بدنك وأسعدني تواجدك المشمس في متصفحي

دُمت بود

[بدر العطاوي]

نايف صح لسانك مليون ولا يكفون

والله يصلح أأمتنا وأأمت المسلمين


والله ماعاد الواحد يقدر يصدق شي

تحيات

اخوك بدر العطاوي

[عادل الدويحاني]

صح الله لسانك يا نايف...

و هدى الله الشيخ/ عادل ..

نص قيـّـم .. و مقنن .. اعجبني كثيراً...

أخوك/ عادل الدويحاني

[نايف العتيبي]

هلا بعادل الشعر
مرورك يسعدني ويشرفني
لك جزيل تقديري

دُمت بود