السلام عليكم ورحمة الله وبركاته
من باب التواصل اضع هذا النص المتواضع بين ايديكم عسى ان ينال على رضاكم
اسف على عهدٍ بدا بالقطاعه= اسف على كل العهود القديمه
اسف لنفسٍ ماتطيق الدناعه = بذنوب غفلاتي هوت بالعتيمه
مال الوفا في ذا الزمان استطاعه = ومال الأمل من بين الأظلاع ديمه
خظت التجارب لين كف القناعه = ماخلت بقلبي بقايا سليمه
الله ياحزنٍ طغا بالبشاعه = والله ياذكرى الجروح الأليمه
اسرفت في حب الذي بالفظاعه = خل المحاني من غرامه هشيمه
وجه الجنوب اللي عليه الجماعه = ترقب مسايره وتجرح صميمه
خلته من الأحلام حلم الشجاعه = وخلته من الافراح فرح اليتيمه
الى اظلمت دنياه جيته شعاعه = ابجد ظلامه واتحدا خصيمه
اذود عنه اليا تحتم صراعه = ونتايجه نزف الجروح الجسيمه
بنيت له قصرٍ حدود اتساعه = عوج المحاني بالعقول الفهيمه
ومال الكريم الا يزيد ارتفاعه = لاقدم المعروف عند الكريمه
ياراسي اللي ماقويت انصياعه = عن شرهتك خل النفوس السقيمه
انا عديمٍ لنطلق بندفاعه = يارد على عد الروا بالخريمه
لاصاح ذيبٍ تحتديه المجاعه = فأنا كليمه يامدور كليمه
ليت الزمن يعطي شعور الجزاعه = حتى النديم يعرف منهو نديمه
مارتحت من وقتي ولو ربع ساعه = دايم وناره في خفوقي ظريمه
نقدر نروج سلعةٍ بالكاعه = ونقدر نحقق نصرنا بالهزيمه
لكن نكرم عن حراج البظاعه = اللي مكاسيبه تجي بالنميمه
اخذت من مر الزمان المناعه = واخذت من غدر الرفاقات قيمه
نصبر على كنز النفوس القناعه = واحنا ضحايا للكفوف الأيمه
ليت الهجوم اللي يخون دفاعه = يطلع من الملعب بقدر وحشيمه
تحياتي الى قلوبكم الطاهره
سالم بن خلف المناعي
Add Ur Link
.. ( اسـف علـى كـل العهـود القـديمــه ) ..
العرض العادي
