\
/
أسعد الله اوقاتكم بكل خير ..
إليكم ( فرايد ديوان العرب ) وهي عبارة عن مجموعة من الأبيات الجميلة
لشعراءنا الكرام و التي طُرحت خلال الأسابيع الماضيه .. علما ً إن هذا البرنامج سوف يكون معكم كل منتصف الشهر ..
إليكم الجزء الأول من البرنامج ..
\
/
يابنت لو طالت مع الليل شكواي = لا شك جرحك وسط قلبي كتمته
يوم الوفا في مامضى كان مبداي = وقدرك معي يابنت ماقد شتمته
أصون عهد الحب و أدوّر أرضاي = يالين مات الحب بإحساس صمته
عبدالله بن دمخ
القصيدة على هذا الرابط :
اطول اللحظات لحظات إنتظار = كيف لو كان إنتظار أجمل خبر
بسألك بالله ساعه فالمطار = كيف تقضيها قبل رحلة سفر
كيف وانا المنتظر حسم القرار = في مصير إنسان مع رحلة عمر
تركي عبدالله الشدادي
القصيدة على هذا الرابط :
\
/
كم بنت تكره طولها من وقوفك = وكم من جمال ٍ شد لأخر اوايلك
وكم فجر يرسم وجه صبحه طيوفك = وكم ليل ينسج في ظلامه جدايلك
وكم برق يضوي من سحايب رفوفك = وكم نحل يجمع من زهورة عسايلك
سفر الحارثي
القصيدة على هذا الرابط :
\
/
انا ياهل المعروف طاويني الجوى = على شوف حي ٍ ماعد تجيني علومه
قضابي غرامه واثر براسي الخوى = ياعزي لمن نفسه من الحب مظلومه
سعد الحميداني
القصيدة على هذا الرابط :
\
/
أنا ليه اشتكي جرحي .. وانا اللي حاضنك برضاي = مدام إن الخطأ مني .. جروح الوقت معذوره
أبسكت دامها خيرة .. تعبت اسمع صدى شكواي = بكيت .. ولا بقى غير التعب والشوق والصوره
بدر آل شافي
القصيدة على هذا الرابط :
\
/
ياكيف يشكي حاله إنسان مجروح = يزداد جرحه لو جروحه نبشها
الآه من جواه تحرق بها الروح = لوما الأمل من داخله ينتعشها
نايف الناجي
القصيدة على هذا الرابط :
\
/
ياشيخ خاف الله بجرحي تماديت = قلبي جريح ٍ منك لا مايطابي
أرفق حبيبي يابعد كل ما أغليت = أرفق بقلبي لا تزود صوابي
أنا احبك موت ومهما تغليت = تبقى حبيبي لو جروحي عطابي
مقادير
القصيدة على هذا الرابط :
\
/
أنا أنا بيني وبين النسا فرق = أشيل حملك لا ثقل يامحبوبي
في غيبتك أسهر مع نايح الورق = و أفرح بشوفك فرحتي بالهبوبي
ياطيّب السيره و يازاكي العرق = مثلك يروم المجد من كل صوبي
الجفول
القصيدة على هذا الرابط :
\
/
إن كان شفتي بال مغرمك ضايق = لا تنشدينه وش معكر مزاجه
يكسر شعوري والمشاعر رقايق = وكسر المشاعر مثل كسر الزجاجه
مازن العوني
القصيدة على هذا الرابط :
\
/
حداني على بعض الأماكن غلا الغالين = اسوق القدم لحماه واجيه و امره
ازوره ولو القاء ورى جيتي شيين = رسوم المكان وصدة القلب و الجره
عبدالله فهد الدوسري
القصيدة على هذا الرابط :
\
/
أتمنى أن هذا الجزء نال على إعجابكم
إنتظرونا في الجزء القادم
فرايد ديوان العرب ( الجزء الأول ) من جديد !!
:Ask me anything here
العرض العادي
