كـسر الزجـاجـه!!

[مازن العوني]

اسعد الله اوقاتكم بالخير والحب والغلا 00 اليكم اخر بوحي للتواصل000

((

))

((

يامترفه يوم القصايد حقايق=هاك الحقيقه لِنهار المواجه
حبك بقلبي طابعً له وثايق=يشبه طلوع الفجر وقت انبلاجه
حبً نمى ماعاقه أيااات عايق=لبْست لك فالعمر درعه وتاجه
حب الشرف والعز واقوى الطرايق=البُعد عوقه والموده علاجه
بس السموحه واسمعيني دقايق=بعض التَشره مالنا فيه حاجه
إن كان شفتي بال مغرمك ضايق=لاتنشدينه وش معكّر مزاجه
يكسر شعوري والمشاعر رقايق=(وكسر المشاعر مثل كسر الزجاجه)
ماينجبر لوكان جبره طبايق=يوم الصَبر مايلتفت لإنفراجه
الضيق بانٍ له بيوت وحدايق=في وسط صدري وين احصّل خراجه
وإن كان شفتي بال شاعرك رايق=اخذي قصيداً مايطّفا اسِراجه
وهاتي سواليفك من اقصى العمايق=دام الزمن يضحك وطلقاً احجاجه
لابد ماينساق للعمر سايق=وبحر المنايا شاربينٍ هماجه!!

[نفل بن عايض الشدادي]

الله يجمل حالك يا مازن وجدانبة راقت ليّ بالحيل

صح لسانك .. ولا هان راسك ..

[مقرن بن زقيع]

صح لسانك يالبناخي ولي عوده انشالله على رواقه

تحيتي لك

[محمد العريدي]

\
/

العوني مازن

حيّاك الله يا ابو زيد .. ولا جديد الأ الشعر و الجزاله

لاهنت يابعدي

\
/

[عبدالرحمن مازن العطاوي]

الضيق بانٍ لـه بيـوت وحدايـق

في وسط صدري وين احصّل خراجه

هلا بـ سمّي الوالد :)

مازن صح لسانك وعزالله ابدعت

إحترام ، وتقدير ، وغلا لك يامبدع

تحيتي لك

.

.

[سالم بن عمرو]

مازن العوني

صح لسانك ولاهنت يالقرم .. قصيده في قمة الابداع

تقبل مروري

[عبدالعزيز الدهمشي]

إن كان شفتي بال مغرمـك ضايـق

لاتنشدينـه وش معكّـر مـزاجـه

يكسر شعوري والمشاعـر رقايـق

(وكسر المشاعر مثل كسر الزجاجه)

لله درك من شاعر ..


في كل حضور ازداد شوقاً لمصافحة القادم ..



صح لسانك يامازن مليار ولاهنت ..




دمت بخير ..

[شامخ العتيبي]

يكسر شعوري والمشاعـر رقايق(وكسر المشاعر مثل كسر الزجاجه)

الله الله

صح لسانك يامازن ولاهنت

اخوك

[نواف بن فهيد]

الله الله يامازن


نص راقي ومميز


صح السانك لين ترضى


ولله درك



تحيتي لك

[سماء نجد]

يكسر شعوري والمشاعـر رقايق=(وكسر المشاعر مثل كسر الزجاجه)

العوني مازن صح السااااانك مبدع*مبدع*مبدع

لك مني اجمل التحايا
%