لا تزعلني ..

[نفل بن عايض الشدادي]

بسم الله الرحمن الرحيم


صفحة للتواصل مع قلوبكم الطاهرة .. واستميحكم العذر على تواضعها ..

لا تزعلني .. وتبلش في رضـاي=ابك انا لا ضقت .. ضيقت الصدور
(.......................................)=(....................................)
من على جدي وسلم اللـي وراي=شلفنـا متعهـدة فـج النـحـور
يا حبيبي لو سقيتك مـن جفـاي=كان شفت الارض بالعالـم تـدور
وانت تعرفني ولا مثلـي سـواي=لا زعلت وقـام شريانـي يفـور
ضاع حلمي وابتدا ميسـم قسـاي=الهزبر اللي على الهـدة جسـور
عادتي تحقير من يكسـب عـداي=الجزا جنس العمـل وانـا قهـور
اقهـر العيّـال واعجـل قضـاي=ما خلقت ارضى بنزوات الفجـور
ولا وصلتم يا هـل الـرّدة مـداي=مرهـقٍ هـذا وهـذا فـي دبـور
لين تخضع ليّ وتزهق في رجـاي=والجنايز ما لهـا غيـر القبـور
دام طيري صادحٍ يعشـق سمـاي=ما عليّ من المهبـل فـي ثبـور
وانت ياللي كل ما تطـري عـلاي=قمت اسوق لك القوافي والبحـور
حبكم مهوب قصة .. هاي .. باي=ولا انخلق له يوم اوَ عدة شهـور
حبكـم اول غرامـي يـا غـلاي=من وعادك طفل في عمر الزهـور
مالكٍ قلبي وتسبـح فـي فضـاي=خاذلٍ سيد الظبى وانتـي عبـور
تسرحين وتمرحين وفـي حمـاي=مسرجٍ لك خيل عشقي والشعـور
يا هواي العذب يا شربـي ومـاي=يا نسيم الليل يـا ريـح العطـور
يا غـرامٍ تلنـي وارهـق دمـاي=اعشقك عند التواضـع والغـرور
واستلذك رشفـةٍ تقطـع ضمـاي=لا سجعتي غـردت كـل الطيـور
ولا سكتي ما سمعـت الا دعـاي=يا عظيم الشـان رده يـا غفـور
طرفهـا موتـي ومبسمهـا دواي=والجدايل ليـلٍ اجتـاح الخصـور
قصة العشق المبجـل اوَ شقـاي=في جميع احوالها طاب الحضـور
كل ما اكتب في محاسنهـا بنـاي=هل دمعي فوق عذبـات السطـور
اعترفلـك بالمحبـة يـا هـواي=واحفظي ليّ بيت يا بـدر البـدور
كل مـا غبتـي تعاهدنـي بكـاي=وكل ما جيتي تباشيـر وسـرور

[عايد السميري]

رائعه بكل ماتعنيه هذه الكلمه من معنى

تواجدت هنا

و


وجدت الشعر / الشعر


شكراً لك يا نفل

[عادل المضحي]

الله عليك يانفل
شااعر رائع جزل راقي صح لساانك على كل شطر فيها
الله يعطيك العافية على هذا الشعر ودائما ننتظر جديدك الفارق

أخوك عادل المضحي

[مي]

كلمات جميله صح لسانك ملايين

[عبدالعزيز الدهمشي]

صح لسانك يانفل ..


وانت كفو ان شاء الله


تحيتي

[عبدالعزيز الدهمشي]

صح لسانك يانفل ..


وانت كفو ان شاء الله


تحيتي

[نفل بن عايض الشدادي]

اقتباس:
المشاركة الأصلية كتبت بواسطة عايد السميري
رائعه بكل ماتعنيه هذه الكلمه من معنى

تواجدت هنا

و


وجدت الشعر / الشعر


شكراً لك يا نفل



الرائع هو حضوركم طال عمرك ..

فشكراً لهذا الكرم .. ورعاكم الله ..

[سعيد الكناني]

حضرت هنا لتسجيل الإعجاب


رائع ايها النفل بحق انت شاعر


قصيده زخرت بجمالها وعذوبتها وبصورها الشعريه


أهنيك على هذه الرائعه

دمت ودام عطاءك وإبداعك



تقبل مروري من هنا

[علي الزهيري]

نفل الشدادي

صح السانك مدد لا عدد

كالعادة ابداع وجزاله

دمت بخير